Tájikstanda sheteldik týrısterge shabýyl jasaǵandardyń kózi joıyldy

ASTANA. QazAqparat - Tájikstannyń Hatlon oblysynda sheteldik týrısterge shabýyl jasaǵan úsh kúdiktiniń kózi joıyldy. Bul týraly Tájikstan ІІM málim etti, dep habarlaıdy Anadoly.

«Arnaıy operatsııa barysynda Dangara aýdanyndaǵy Osmondar qyshlaǵynda izdeý salynǵan úsh kúdikti anyqtalyp, joıyp jiberildi»,-delingen habarlamada.

Eske sala ketsek, Tájikstanda avtomobıl bir top týrısti basyp ketip, saldarynan tórt adam qaza tapqan bolatyn.

Tájikstan ІІM basshysy Ramazan Rahımzade, bul oqıǵa Hatlon oblysynda bolǵandyǵyn málim etti.  

AQSh, Shveıtsarııa, Nıderlandy jáne Frantsııadan kelgenjeti velosıpedshi zardap shekti, olardyń tórteýi kóz jumdy, - dedi Rahımzade.

Mınıstr bul keleńsiz jaǵdaıdyń urlyq úshin jasalýy, sondaı-aq  terrakt ekendigin de joqqa shyǵarmady.

Qylmyskerlerdi ustaý sharasy barysynda ekeýiniń kózi joıylǵan, bireýi -jaralanǵan.

Olardyń birinen tapansha tabyldy.