Tájikstanda «reseılik» jalǵan general ustaldy
ASTANA. QazAqparat - Tájikstanda eldiń ońtústiginde ózin sybaılas jemqorlyqqa qarsy kúrespen aınalysatyn reseılik general retinde tanystyrǵan alaıaq kúdikti ustaldy. Bul týraly respýblıkanyń ІІM habarlady.
Ustalǵan Mahmadalı Davlatshoev ózin Reseı Sybaılas jemqorlyqqa qarsy kúres federaldyq komıtetiniń Hatlon oblysy boıynsha general-maıorymyn» dep tanystyrǵan, tıisti kýáligi de bolǵan. Ol Hatlon oblysynyń qystaqtaryn aralap, «syıaqyǵa» jer ýchaskesin bólý problemasyn sheship beretinin aıtqan», - delingen baspasóz qyzmetiniń habarlamasynda. Bul rette «general» máseleni sheshkeni úshin 3 myń dollardan 20 myń dollarǵa deıin alǵan.
- Davlatshoev tájik aýyldarynyń turǵyndarynan alaıaqtyqpen 80 myń dollar jınaǵan, dep atap ótken Tájikstan ІІM.
Davlatshoev tutqynǵa alyndy, oǵan iri kólemde alaıaqtyq jasady degen aıyp taǵyldy.
