Tájikstanda prezıdentti shyǵaryp salar kezde áýejaı basshysy qaza tapty

ASTANA. QazAqparat - Horoga qalasynyń áýejaı basshysy Tájikstan prezıdenti Emomalı Rahmondy Darvaz aýdanynan Dýshanbege shyǵaryp salyp jatqan kezde qatty jaraqat alyp, qaza tapty, dep habarlaıdy report.az.

60 jastaǵy Dıldor Maksýdshoev prezıdent tikushaǵy áýege kóterilip jatqan kezde oǵan óte jaqyn turǵan. Tikushaqtyń ebelekteri (vınt - avt.) aınalyp uıytqyǵan jel Maksýdshoev turǵan kilem aýdaryp tastaǵan. Kilemge oralyp qalǵan áýejaı basshysy domalap baryp sol mańda jatqan úlken tasqa soǵylǵan.
Dıldor Maksýdshoev basynan qatty soqqy alyp, aýrýhanaǵa bara jatqan jolda qaza tapty. Quqyq qorǵaý organdary bolǵan jaǵdaıdy kezdeısoq qaıǵyly oqıǵa dep otyr.