Tájikstanda prezıdent saılaýynda Emomalı Rahmon 90,92 paıyz daýys jınady

DÝShANBE. HOVAR-QazAqparat – Tájikstannyń Saılaý jáne referendým jónindegi ortalyq komıssııasynyń (SROK) tóraǵasy Bahtıer Hýdoerzoda 11 qazanda ótken prezıdent saılaýynyń qazirgi nátıjesin jarııalady, dep habarlaıdy QazAqparat Hovar agenttigine silteme jasap.

Bahtıer Hýdoerzodanyń aıtýynsha, Tájikstan táýelsiz kásipodaqtar Federatsııasy, Tájikstan Jastar Odaǵy jáne Tájikstan Halyqtyq Demokratııalyq partııasy atynan Tájikstan Respýblıkasynyń Prezıdenti laýazymyna kandıdat Emomalı Rahmon 90,92% daýys jınap, Tájikstan Respýblıkasynyń Prezıdenti bolyp saılandy.

SROK-tyń málimeti boıynsha Tájikstanda 68 saılaý okrýgi, el ishinde 3375, shetelde 39 saılaý ýchaskesi quryldy. Saılaýshylardyń sany 4 943 289 adam. Alǵashqy bop daýys bergender sany — 105 399 adam.

«Daýystardy esepteýdiń aldyn-ala nátıjesi boıynsha 2020 jylǵy 11 qazandaǵy Tájikstan Respýblıkasynyń Prezıdentin saılaýǵa 4 221 076 saılaýshy, ıaǵnı saılaýshylardyń 85,39%-y qatysty», - dep atap ótti SROK tóraǵasy Bahtıer Hýdoerzoda.

SROK-tyń málimeti boıynsha Tájikstannyń agrarlyq partııasynan kandıdat Rýstam Latıfzod 3,03%, Tájikstannyń ekonomıkalyq reformalar partııasynan kandıdat Rýstam Rahmatzod 2,15%, Tájikstan Kompartııasynan kandıdat Mıroj Abdýlloev 1,17%, Tájikstan Sotsıalıstik partııasynan kandıdat Ábdýhalım Gafforov 1,49%, Tájikstan Táýelsiz kásipodaqtar federatsııasynyń, Tájikstan jastar odaǵynyń jáne Tájikstan halyqtyq Demokratııalyq partııasynan kandıdat Emomalı Rahmon 90,92% daýys jınaǵan.