Tájikstanda parlament depýtattaryn saılaý ótýde

ASTANA. QazAqparat - Tájikstanda saılaý ýchaskeleri jeksenbi kúni saǵat 06:00-de ashyldy. El azamattarynyń aldynda parlamenttiń tómengi palatasynyń depýtattaryn jańa besjyldyq merzimge saılaý mindeti tur.

Daýys berý búgin keshki saǵat 20:00-ge deıin jalǵasyp, odan keıin OSK daýystardy sanaýǵa kirisedi.

«Saılaýshylardyń erkin erikti bildirý úshin respýblıka aýmaǵynda 3209, eldiń syrtynda taǵy 35-i saılaý ýchaskesi quryldy, sonyń ishinde úsheýi resmı túrde 195 myń saılaýshy tirkelgen Reseı aýmaǵynda qurylǵan», - dep habarlady Ortalyq saılaý komıssııasy apparatynyń basshysy Abdýmannon Dodozoda. Ol ulttyq memlekettik baspahanada tájik, orys, ózbek jáne qyrǵyz tilderindegi 4,4 mıllıon saılaý bıýlleteni basylyp shyǵarylǵanyn atap ótti.

Saılaý monıtorıngin TMD, EQYU-nyń Demokratııalyq ınstıtýttar men adam quqyqtary boıynsha bıýrosy, TMD Parlamentaralyq assambleıasynyń, ShYU-nyń atynan barlyǵy 525 halyqaralyq baqylaýshy júrgizedi, dep habarlaıdy RIA Novostı.