Tájikstanda «Ortalyq Azııadaǵy úı ozbyrlyǵy máseleleri. Qarsy áreket tetikteri» dep atalatyn aımaqtyq jıyn ótip jatyr

Oǵan Tájikstan, Qazaqstan, Qyrǵyzstan jáne Ózbekstan elderiniń úkimet músheleri, quqyq qorǵaý organdary, Parlament depýtattary, sottar, din qaıratkerleri jáne Tájikstanda tirkelgen qoǵamdyq jáne halyqaralyq uıym ókilderi qatysýda.

«Soǵys jáne beıbitshilik ınstıtıtýty (ІWPR) bul sharany Tájikstan Úkimeti janyndaǵy Áıelder isi komıtetimen birlesip uıymdastyryp otyr. Ol Eýrokomıssııanyń «Ortalyq Azııada adam quqyn jáne quqyq qorǵaý bilimin BAQ arqyly qorǵaý» jobasynyń aıasynda júzege asyrylýda. Dóńgelek ústel májilisi kezinde «Ortalyq Azııa áıelderi. Úı ozbyrlyǵy, kóshi-qon, kedeıshilik» dep atalatyn fotokórme uıymdastyrylýda. Oǵan buǵan deıin jarııalanyp, qorytyndysy shyqqan arnaıy baıqaýdan iriktelip alynǵan 46 fotosýret qoıylyp otyr. Olardyń arasynda Devıd Trıllıng, Rýstam ıÝldashev, Zarına Hýshvakt, Valerıı Kalıev, Almaz Kalet jeke avtorlardyń týyndysy bar. Kórmege sondaı-aq, BUU-nyń halyqtyń qonystanýy (UNFPA) jobasy aıasynda jasalǵan jáne Ulttyq Qyzyl Jarty Aı qoǵamy, RFE/RL, Stan-TV men IWPR-Ortalyq Azııanyń jeke muraǵatyndaǵy ózge de sýretter qoıylyp otyr», - deıdi IWPR-dyń Tájikstandaǵy jobalar úılestirýshisi Lola Olımova.