Tájikstanda oppozıtsııalyq ıslam partııasynyń túgel derlik basshylyǵy qamaýǵa alyndy
ASTANA. QazAqparat - Búgin Tájikstanda oppozıtsııa eldiń ıslam qaıta órleý partııasynyń túgel derlik basshylyǵynyń qamaýǵa alynǵany týraly málimdedi.
Bul týraly Tájik telegraf agenttigine silteme jasaǵan KırTAG habarlady.
«Tájikstan ıslam qaıta órleý partııasy» (TIQP) keńesiniń túgelge jýyq músheleri ustaldy», - dep habarlandy tájik oppozıtsııasynyń portalynda.
Belgili bolǵandaı, sársenbi kúni keshke atalǵan saıaı uıym tóraǵasynyń quqyq máseleleri boıynsha keńesshisi Zarafo Rahmonı óz úıinde ustaldy. Sol kúni kúndiz Dýshanbe qalasynda TIQP tóraǵasynyń birinshi orynbasary Saıdýmar Hýsaınıdiń Dýshanbe-Almaty áýe reısinen alynǵany, al keshki mezgilde partııa tóraǵasynyń taǵy bir orynbasary - Mahmadalı Haıttiń ustalǵany týraly habarlanǵan.
Budan basqa, jergilikti BAQ-tardyń málimetterinshe, Tájikstan aýmaǵynan ketýge árekettengen TIQP saıası keńesiniń múshesi Vohıdhon Kosıddınov ustaldy.
«Qyrǵyzstan elimen shekara beketteriniń birinde Tájikstan aýmaǵynan shyǵyp ketpek bolǵan ol májbúrli túrde úıine qaıtarylyp, al keshke qamaýǵa alyndy», - delingen habarlamada.
Portaldyń málimetterinshe, qamaýlardy TR qaýipsizdik organdarynyń qyzmetkerleri atqardy.
