Tájikstanda oqýlyqtar men dápterlerge jarnama ornalastyrýǵa tyıym salyndy

ASTANA. QazAqparat - Tájikstanda oqýlyqtarǵa, dápterler men mektep kúndeligine jarnama ornalastyrýǵa tyıym salatyn «Jarnama týraly» Zańǵa ózgerister men qosymshalar engizildi, dep habarlaıdy Khovar.

«Jarnama týraly» Zańǵa engizilgen ózgerister men qosymshalardy Tájikstan Respýblıkasy besinshi shaqyrylymnyń Madjlısı mıllı Madjlısı Olı 11 sessııasynda el Parlamentiniń joǵary palata músheleri maquldady.

Sondaı-aq, taýarlar men qyzmetterdiń jarnamasynda «úzdik», «nómir 1», «joǵary sapaly», «tómen baǵada» termınderin qoldanýǵa tyıym salyndy. Budan bólek, televızııalyq jáne radıobaǵdarlamalarda budan bylaı efırdiń úsh mınýtynan artyq ýaqytty alatyn jarnama ornalastyrýǵa ruqsat etilmeıdi. Uzaq jarnama tyńdaýshylar men kórermenderdi jalyqtyryp jiberedi.

Bul zańnyń basty maqsaty Tájikstan Respýblıkasyndaǵy jarnama naryǵyn retteý bolyp tabylady.