Tájikstanda Mı-8 tikushaǵy qulady: qaza bolǵandardy izdestirý jalǵasýda
ASTANA. 1 qarasha. QazAqparat - Tájikstannyń arnaıy qyzmeti 7 qazanda Mı-8 tikushaǵynyń eldiń shyǵysyndaǵy Rasht aýdanynda apatqa ushyraýy kezinde «Alfa» tańdaýly bólimshesi 20 jaýyngeriniń 18-i qaza bolǵanyn resmı túrde rastady.
Jaqynda tájik «Ortalyq qutqarý» izdestirý tobynyń adamdary Sýrhob taý ózeniniń boıynan taǵy bir áskerı adamnyń, naqtyraq aıtqanda, memlekettik qaýipsizdik komıtetiniń praporşıgi Sýhrob Mırzoevtyń denesin tapty.
Dúısenbi kúni Ulttyq qaýipsizdik memlekettik komıtetiniń Qoǵammen baılanys ortalyǵy ITAR-TASS tilshisine ázirge iz-túzsiz joǵalyp ketkender qatarynda sanalatyn arnaıy qyzmet organynyń eki jaýyngeri izdestirilip jatqanyn resmı rastady.
Buǵan deıin tikushaqtyń ıesi bolyp tabylatyn Tájikstan Ulttyq ulanynyń qolbasshylyǵy jeti áskerı jaýyngerdiń qaza tapqanyn, onyń úsheýi ekıpaj múshesi ekenin habarlaǵan edi. Úkimettik komıssııanyń tujyrymyna sáıkes, apat tehnıkalyq aqaýlardyń saldarynan oryn alǵan.
