Tájikstanda koronavırýsqa qarsy vaktsınatsııa bastaldy

DÝShANBE. QazAqparat – Búgin Dýshanbe klınıkalarynda koronavırýsqa qarsy vaktsınatsııalaýdy bastaýǵa arnalǵan resmı shara ótti, dep habarlaıdy QazAqparat «Hovar» agenttigine silteme jasap.

Tájikstanda 22 naýryzdan bastap halyqtyń qater sanatyndaǵylar arasynda COVID-19 ınfektsııalyq aýrýyna qarsy ımmýndaý kezeń-kezeńmen bastalǵan.

Tájikstannyń Densaýlyq saqtaý jáne halyqty áleýmettik qorǵaý mınıstrligine belgili bir kezeń ishinde respýblıka turǵyndaryn koronavırýsqa qarsy ımmýndaý júrgizý boıynsha is-sharalar josparyn ázirleý ári bekitý tapsyrylǵan. Sonymen qatar Densaýlyq saqtaý mınıstrligine koronavırýsqa qarsy preparattardy eldiń barlyq medıtsına mekemelerine der ýaqytynda jetkizý júktelip otyr.

Esterińizge sala ketsek, koronavırýsqa qarsy AstraZeneca vaktsınasynyń 192 myń dozasy Tájikstanǵa 8 naýryzda jetkizilgen bolatyn. Jalpy, elde 5,8 mln adam ekpe alady.