Tájikstanda Qazaqstan elshiligi ǵımaratyna jer teliminiń orny naqtylandy

ASTANA. QazAqparat - QR Parlamenti Májilisiniń jalpy otyrysynda «Qazaqstan Respýblıkasynyń Úkimeti men Tájikstan Respýblıkasynyń Úkimeti arasyndaǵy Dıplomatııalyq ókildikterdiń ǵımarattaryn salý úshin jer ýchaskelerin ózara berý týraly kelisimdi ratıfıkatsııalaý týraly» zań jobasy maquldandy, dep habarlaıdy QazAqparat.

«Qazaqstan men Tájikstan úkimetteri arasyndaǵy dıplomatııalyq ókildikterdiń ǵımarattaryn salý jer telimderin ózara berý týraly kelisimge Astanada 2010 jyly 24 jyly qol qoıylǵan bolatyn. Bul kelisim - eki elde dıplomatııalyq ókilderdiń bolýy jáne jumys isteý jaǵdaılaryn qamtamasyz etetin mańyzdy qujat. Kelisimge sáıkes, tájik tarapy bizge Qazaqstan elshiliginiń ǵımaratyn salý úshin Dýshanbe qalasyndaǵy I. Somonı dańǵyly birinshi dıplomatııalyq qalashyqtaǵy jalpy alańy 1 gektar jer ýchaskesin beretin bolady. Jalǵa berý merzimi 49 jyldy quraıdy jáne jylyna 1 somonı mólsherinde jaldaý aqysy tólenedi», - dedi QR Syrtqy ister mınıstri Qaırat Ábdirahmanov.

Óz kezeńinde Qazaqstan tarapy tepe-teńdik negizinde tájik jaǵyna Astanada Sh. Qaldaıaqov kóshesiniń ońtústiginde ornalasqan jalpy alańy bir gektar jer telimin bóledi. Jalǵa berý merzimi 49 jyldy quraıdy jáne jyldyq aqysy 1 teńge.

«Kelisimniń úshinshi babyna sáıkes, jer ýchaskeleri boryshtardan, aýyrtpalyqtardan jáne úshinshi tulǵalardyń quqyqtarynan bos túrde beriledi. Qujat 49 jyl boıyn qoldanysta bolady. 2017 jylǵy mamyrda Astana qalasy ákimdigi atalǵan ýchaskege segmentteý boıynsha jumysty aıaqtap, búgingi tańda jer telimi memlekettik menshikke ótti», - dep naqtylady mınıstr.