Tájikstanda qalalyq májilis depýtattary sottalýda

ASTANA. QazAqparat - Hýdjand qalalyq sotynda Istıkolol qalalyq májilisiniń burynǵy eki depýtatyna qatysty qylmystyq is qaralyp jatyr. Er adam men áıel adam alaıaqtyq pen jemqorlyqqa qarsy is-qımyl agenttiginiń qyzmetkerine para bergeni úshin aıyptalýda, dep habarlaıdy news.tj .

Olar - burynǵy depýtat Ravshan Hasanov pen Saodat Sharıfzade.

Budan buryn, Soǵdy oblysynyń sybaılas jemqorlyqqa qarsy is-qımyl agenttigi basqarmasynyń basshysy Karım Ibrohımzoda habarlaǵandaı, Istıkolol qalalyq májilis depýtaty Ravshan Hasanov jemqorlyqqa qarsy is-qımyl vedomstvosynyń qyzmetkerine qylmysty jasyrý úshin Saodat Sharıfzadeniń atynan 2 myń dollar kóleminde para usynǵan.

Ibrohımzoda atap ótkendeı, Saodat Sharıfzade óziniń qyzmettik ókilettigin paıdalanyp, júrgizýshisi Akpar Ismoılovpen birge 2013 jyly alaıaqtyqpen birneshe turǵynnyń senimine kirip, olardan 280 myń dollar kóleminde qarjy alyp, óz muqtajdyqtaryna jaratqan.