Tájikstanda bosqyn 72 keli esirtkimen ustaldy
«1997 jyldan beri Tájikstanda turyp jatqan bosqyn mártebesine ıe Aýǵanstan azamaty esirtki kontrabandasymen aınalysqan. Bul úshin ol ýaqytsha Dýshanbede turyp jatqan Tájikstan azamatymen ymyralasqan. Aýǵanstannan esirtki ákelýge olarǵa aýǵan kontrabandashylary kómektesken», - delingen baspasóz habarlamasynda.
Atalǵan qylmystyq top kontrabandalyq jolmen Saırob shekarasy arqyly Tájikstan aýmaǵyna 70 keliden astam esirtki kirgizgen.
«Arnaıy operatsııa barysynda Dýshanbe qalasynda aýǵanstandyq bosqyn basqarǵan kólik toqtatylǵan. Mashınada sybaılasy tájik te birge bolǵan. Kólikti tintý kezinde 22 keli esirtki - gashısh pen chars tabyldy. Qalǵan elý keli esirtkini arnaıy qyzmetkerler Saırob shekara mańynan jasyrylǵan jernen tapty», delingen habarlamada.