Tájikstanda bolǵan jer silkinisinen úsh júzden asa úı qırady
ASTANA. 11 qarasha. QazAqparat - Tájikstan astanasynan ońtústik-shyǵysqa qaraı 25 shaqyrym qashyqtyqta bolǵan jer silkinisinen 356 úı qırady, dep habarlaıdy RBK. Aldyn ala málimetter boıynsha, qurban bolǵandar joq, zardap shekkender týraly habar kelip túsken joq.
Ǵylym akademııasy geofızıkalyq qyzmet málimetteri boıynsha, magnıtýdasy 4.0 sońǵy dúmpý jergilikti ýaqyt boıynsha búgin tańerteń saǵat 07:05-te (Máskeý ýaqyty boıynsha 06:05-te) tirkelgen. Jalpy alǵanda Vahdat qalasynyń Karım-Ismoıl, Radjab-Ismoıl, Bozorboı Borýnov jáne Chorsý aýyldarynda úsh jer asty dúmpýi bolyp ótken. Olardyń barlyǵynyń kúshi Rıhter shkalasy boıynsha 4 baldan 5 balǵa deıin bolǵan, dep aıtyp ótti seısmologtar.
Memleket basshysy Emomalı Rahmon jaǵdaıdy baqylaýǵa aldy.
