Tájikstanda avtomobıl sheteldik týrısterdi basyp ketken, 4 adam qaza tapty

DÝShANBE. QazAqparat - 29 shildede 15:30-da belgisiz júrgizýshi Hatlon oblysy Dangarın aýdany Sebıston djamoaty aýmaǵynda 7 adamnan quralǵan sheteldik velosıpedshiler tobyn basyp ketip, oqıǵa ornynan izin sýytqan. Bul týraly «Hovar» TUAA-ǵa Tájikstan Respýblıkasy Іshki ister mınıstrligi habarlaǵan.

Málim bolǵandaı,  saldarynan 3 adam oqıǵa ornynda qaza taýyp, taǵy biri Dangarın aýdandyq aýrýhanasynda kóz jumǵan.

Tájikstan prezıdenti Emomalı Rahmonnyń tapsyrmasy boıynsha barlyq áleýetti qurylymdar qylmyskerdi ustaýǵa jumyldyryldy.

Oqıǵa ornynda Bas prokýratýra, ІІM, Memlekettik ulttyq qaýipsizdik qyzmeti komıtetinen quralǵan jumys toby qurylyp, jedel-izdestirý is-sharalary júrgizilip jatyr.

Birinshi nusqa boıynsha - bul jol-kólik oqıǵasy. Basqa da nusqalar qarastyrylyp jatyr.

Jeńil jaraqat alǵan úsh shetel azamatyna medıtsınalyq kómek jáne moraldyq-psıhologııalyq qoldaý kórsetildi.