Tájikstanda alyp qaýyn túrindegi shaıhana ashyldy
Gıssardyń 3000 jyldyǵyn merekeleýge oraılastyrylǵan rásimge Tájikstan prezıdenti Emomalı Rahmonnyń ózi keldi.
Memleket basshysynyń resmı saıtynan habarlanyp otyrǵandaı, «qala qurylysynyń kóne dástúrleri saqtalyp» salynǵan jańa shaı úıiniń bıiktigi 43 metrdi, eni - 55 metrdi quraıdy, al uzyndyǵy 100 metrden asady.
Mańyzdy memlekettik datalar dúrkirep ótkiziletin Tájikstanda sońǵy jyldary kóptegen jańa merekeler paıda boldy. Bul el qaýyn men qarbyz kúnin, bal, palaý jáne asqabaq merekesin atap ótedi, ónim jınaý jáne qysty shyǵaryp salý sııaqty kóne merekeler qaıta oraldy.
2009 jyly Tájikstanda uzyndyǵy 1501 metr, eni 7 metr bolǵan tý tigildi. Bir jarym shaqyrymdyq matanyń salmaǵy 1,25 tonnaǵa jetken.
Al 2011 jyly el Táýelsizdiginiń 20 jyldyǵynyń qurmetine Dýshanbede sol kezde álemde eń bıik bolǵan týtuǵyr ornatyldy.
Qazirgi kezde Dýshanbede Ortalyq Azııada eń úlken bolatyn jańa meshittiń qurylysy qarqyndy júrip jatyr. Meshittiń aýmaǵy Tájikstan kartasynyń pishini úlgisinde qurylady, dep jazady sheteldik BAQ.