Tájikstanda álemdegi eń bıik taýly gıdrostansalardyń biri iske qosyldy

DÝShANBE. QazAqparat - Tájikstan Respýblıkasynyń Prezıdenti Emomalı Rahmon Taýly Badahshan avtonomııalyq oblysynyń qalalary men aýdandaryna jumys sapary barysynda Mýrgab aýdanynda Tájikstan kishi gıdroelektr stansasyn iske qosty, dep habarlaıdy «Hovar» HAA.

Qýattylyǵy 1500 kVt GES shalǵaıdaǵy Mýrgab aýdanynyń halqyn, vedomstvolary men uıymdaryn elektr qýatymen tolyqtaı qamtamasyz etetin bolady. Eldi mekenniń turǵyndary osy kúnge deıin elektr qýatymen baılanysty qıyndyqtar kórip kelgen. GES paıdalanýǵa berilgennen bastap uzaq jyldar boıǵy osy túıtkildi másele sheshimin tapty.

Bógettiń bıiktigi - 64 metr, al uzyndyǵy - 12. Bul balyqtardyń ótýine arnalǵan respýblıkadaǵy jalǵyz arnaıy qurylys. Bóget aǵynmen 2 mıllıon sharshy metr sýdyń jınalýyna yqpal etedi. Bul stansanyń qyzmeti men ekologııalyq qorǵaý úshin óte tıimdi.

Bıik taýly aımaqtyń ornalasýy jaǵynan «Tájikstan» gıdroelektr stansasy Nepaldaǵy ornalasqan jeriniń bıiktigi boıynsha qýattylyǵy bar-joǵy15 kVt kishi gıdroelektr stansasynan keıin ekinshi orynda tur.