Tájikstanda álemdegi eń bıik GES bógetiniń qurylysy bastaldy

Vahsh ózeninde ornalasqan Rogýnskaıa GES bógetiniń bıiktigi 335 metrdi quramaq. Ózen arnasyn buǵaý jáne dambynyń qurylysy boıynsha alǵashqy jumystardy el prezıdenti Emomalı Rahmon, úkimet jáne parlamentarıı músheleri baqylady, dep habarlaıdy QazAqparat atalmysh memleket basshysynyń baspasóz qyzmetine silteme jasap.

Rogýnskaıa gıdroelektrstansysy  Dýshanbeden ońtústik-shyǵysqa qaraı  110 shaqyrym jerde ornalasqan. Jobanyń qýaty - 3600 MVt.

Bógettiń qurylysy aıaqtalǵan soń, onda tolyq kólemi 13,3 tekshe  shaqyrymdy quraıtyn Rogýnskaıa sý qoımasy ornalasatyn bolady, dep habarlaıdy «Interfaks».

Kestege sáıkes, Rogýnskaıa GES-tiń birinshi agregaty 2018 jyldyń sońynda, al ekinshisi 2019 jyldyń sáýirinde iske qosylady.  Qurylys  2,2 mlrd. dollarǵa baǵalandy, onyń birinshi kezegine 590 mln. dollar jumsalmaq.

Aıta keteıik, GES-tiń qurylysyna daıyndyq jumystary 1976 jyly bastalǵan bolatyn.

Búgingi kúni álemdegi eń bıik plotına Qytaıdyń Sychaýn provıntsııasynda ıAlong ózeninde ornalasqan Tszınpın-1 gıdroelektrstansysy bolyp tabylady. 2014 jyly salynǵan bógettiń bıiktigi - 305 metr.