Tájikstanda 5,8 mln adamǵa koronavırýs vaktsınasy salynady
Keshe keshke Tájikstanǵa koronavırýsqa qarsy AstraZeneca vaktsınacynyń alǵashqy partııasy jetkizildi. Vaktsınanyń 192 myń doza alǵashqy partııasy Úndsitan astanasy Delıden arnaıy «Somon Eır» reısimen jetkizildi.
Tájikstan Densaýlyq saqtaý mınıstrligi vaktsınanyń qalǵan bóligi jaqyn arada elge birtindep jetkiziletinin atap ótti. Respýblıka COVID-19 eýropalyq vaktsınasyn COVAX baǵdarlamasy aıasynda aldy.
Osy maqsatta Tájikstanǵa AstraZeneca vaktsınasynyń 732 myń dozasy beriledi jáne birinshi kezekte el halqynyń 20%-yn vaktsınalaý josparlanyp otyr. Vaktsınany eń aldymen, 70 jastan asqan adamdar, sozylmaly ınfektsııalyq emes aýrýlary bar adamdar, densaýlyq saqtaý salasynyń qyzmetkerleri, áskerı qyzmetshiler sekildi halyqtyń neǵurlym osal toptary alýy tıis.
Ekinshi kezeńde Tájikstanda vaktsınadan 60 jastan asqan, sodan keıin 50 jastan asqan adamdar ótedi, bul – 1,8 mıllıonnan astam adam. Bul rette 18 jasqa deıingiler tizimge áli kirmeıdi. Halyqtyń qalǵan 42,5%- y elge basqa jaqtardan keletin preparattarmen egiledi. Olar Qytaı nemese Reseıde óndirilgen bolýy múmkin.
Osylaısha, úshinshi kezeńde 3,9 mıllıon adam vaktsına alady. Jalpy alǵanda, Tájikstannyń 5,8 mıllıon turǵyny koronavırýsqa qarsy vaktsınatsııadan ótýi kerek.
