Tájikstanda 12 myń jazasyn óteýshi raqymshylyqpen bosatylady
ASTANA. QazAqparat - Tájikstanda 12 myń jazasyn óteýshi raqymshylyqpen bostandyqqa shyǵýy yqtımal, dep habarlady beısenbide TadjıkTA.
«Tájikstanda táýelsizdiktiń 25 jyldyǵy qurmetine jasalatyn raqymshylyqtyń nátıjesinde 12 myń sottalýshy bosatylýy múmkin», - dep málimdedi memleket basshysynyń baspasóz qyzmeti.
Sonymen, bosatylatyndarǵa: áıelder, kámelettik jasqa tolmaǵandar, 55-ten asqan er adamdar, I, II jáne III top múgedekteri jatady. Budan basqa, onkologııalyq aýrýlarmen, týberkýlezben, júrektiń ıshemııalyq aýrýymen syrqattanatyn jandar raqymshylyqqa iligedi.
Merziminen buryn bosatýǵa jatatyndar: UOS, basqa memleketter aýmaǵynda jaýyngerlik is-qımylǵa qatysqandar, Chernobyl AES apatynda jarymjan bolǵandar, KSRO, Tájik KRO memlekettik nagradalaryn ıelengender, sheteldik azamattar.
Sondaı-aq túrmeden keltirilgen shyǵynnyń ornyn toltyrý jaǵdaıy bolǵan kezde qarajatty ıelengen, jumsaǵan, jymqyrǵan adamdar bosatylady.
