Tájikstan joǵary oqý oryndarynda Qazaqstanmen birlesken fakýltetter ashylýy múmkin

ASTANA. QazAqparat – Tájikstan Prezıdenti Emomalı Rahmonnyń memlekettik sapary kezinde qazaqstandyq joǵary oqý oryndarynyń fılıaldaryn tájik elinde ashýdyń keleshegi talqylandy. Bul týraly Memleket basshysy Qasym-Jomart Prezıdentterdiń birlesken málimdemesinde aıtty, dep habarlaıdy QazAqparat tilshisi.

«Biz mádenı-gýmanıtarlyq baılanystardy nyǵaıtýǵa erekshe kóńil bólip otyrmyz. Bul sala bizdiń baýyrlas halyqtardy baılanystyratyn mańyzdy sala bolyp esepteledi. Qazaqstanda Tájikstannyń mádenı kúnderin ótkizý, ózge birlesken kásiporyndar qurý týraly kelisimge qol jetkizdik. Bul da memleketterimizdiń arasyndaǵy baılanystyń tyǵyz ekenin aıǵaqtaıdy», - dedi Memleket basshysy.

Prezıdenttiń aıtýynsha, eki tarap ta bilim berý salasyndaǵy áriptestikti tereńdetýge múddeli.

«Qazaqstan Tájikstannan bizdegi joǵary oqý oryndaryna keletin stýdentterge arnalǵan granttardyń sanyn arttyrdy. Qazaqstandyq joǵary oqý oryndarynyń fılıaldaryn ashýdyń keleshegi týraly máseleni egjeı-tegjeıli talqyladyq. Bálkim Tájikstan joǵary oqý oryndarynyń bazasynda birlesken fakýltetter ashylatyn shyǵar. Bul sharalar eki el jastarynyń ári qaraı da jaqyndasýyna, halqymyzdyń arasyndaǵy dostyq qatynastardyń bekýine jol ashatynyna senimdimin», - dedi Qasmy-Jomart Toqaev.