Tájikstan jeriniń 1 paıyzyn Qytaıǵa berdi
ASTANA. 4 qazan. QazAqparat - Ótken senbi, 1 qazanda, Qytaıdyń basty memlekettik merekesi - Qytaı Halyq Respýblıkasynyń qurylý kúninde BAQ tájik aýmaǵynyń bir bóligin QHR-ǵa berý resmı saltanaty ótkeni týraly habarlady, dep jazady «Azııa Plıýs».
Tájik jáne Qytaı qarýly kúshteriniń ókilderi saltanatty rásim kezinde bir-birine eskertkish syılyq jasaǵany atap ótilýde.
«Іs júzindegi rásim 20 qyrkúıekte ótken bolatyn, biraq bul týraly qytaılyq BAQ-tar Qytaıdyń qurylǵan kúni atalyp ótetin 1 qazanǵa deıin tis jarmady», - dep jazady óz blogynda qytaıdyń Global Times gazetiniń redaktory Hý Ksıdjın.
Qytaı men Tájikstan osy jyldyń qańtarynda talas týǵyzǵan daýly aýmaqty berýge kelisti. Qytaıdyń ıeligine ótken jer Beıjiń bastapqyda úmittengen aýmaqtyń 5,5%-yn quraıdy.
Saıyp kelgende, Qytaı aýmaǵy 1 myń 158 sharshy shaqyrymǵa ulǵaıdy. Al Qytaıdyń batys shekarasynda ornalasqan jerdiń bir bóligin bergen Tájikstan aýmaǵy 1 paıyzǵa azaıdy», - dep habarlaıdy «Azııa-Plıýs».
