Tájikstan túrmesindegi oqıǵa: 14 adam nanǵa ýlanyp ajal qushty
Agenttiktiń habarlaýynsha, 7 shilde kúni TR Ádilet mınıstrliginiń Qylmystyq jazalardy oryndaý bas basqarmasy bekitken jospar boıynsha, sottalǵan 128 adam (120 er adam jáne 8 áıel) jazasyn óteý úshin Soǵdy oblysynyń Hodjand jáne Istaravshan qalalaryndaǵy 3/3, 3/5 jáne 9/2 túzetý mekemelerinen arnaýly úsh avtomobılmen Dýshanbe, Núrek qalalary jáne ıAvan aýdandaryna jetkizilýi tıis bolǵan.
Konvoı toby baqylaǵan avtomobılder Hodjandtan 12:45-te shyǵyp, 18:20-da Dýshanbege jetken. Belgilengen normatıvke sáıkes, avtomobılder jolda qajettilikke oraı 6 ret toqtaǵan. Varzob aýdanynyń Maıhýra eldi mekeninde tutqyndardyń biri ádettegideı 16 tutqynǵa 3 bólke nan bergen. Ony jegenderdiń jarty saǵattan keıin basy aınalyp, júregi aınyp, qusqan.
Avtomashına tergeý mekemesine jetken tusta, ıaǵnı 18:20-da nan jegenderdiń jaǵdaıy kúrt nasharlap, 16 adam esinen tanǵan.
Jedel járdem oqıǵa ornyna jetip, dárigerler tek eki adamnyń ómirin saqtap qaldy. Al 14 adam ajal qushqan.
Baqa avtomobılderdegi 114 tutqyn jazany óteý oryndaryna aman-esen jetkizilgen.
Qazir Tájikstanda osy oqıǵaǵa baılanysty arnaıy tergeý toby qurylyp, qylmystyq is qozǵaldy.
Sot-medıtsınalyq saraptama belgilengen, qylmystyq istiń tergep-tekserilýin QR Bas prokýratýrasy qadaǵalap otyr.