Tájikstan táýelsizdiginiń 20 jyldyǵyn atap ótýde

Búkil el boıynsha merekelik sharalar ótip jatyr. Dýshanbeniń ortalyǵyndaǵy eldiń basty «Dýstı» («Dostyq») alańynda áskerı sherý ótti. Alańmen Dýshanbe garnızony, sonymen qatar Tájikstandaǵy 201-shi Reseı áskerı bazasynyń áskerı qyzmetshileri, Aýǵanstan, Iran, Úndistan men Frantsııa qarýly kúshteriniń ókilderi júrip ótti. Áskerı sherýge barlyǵy 10 myń áskerı qyzmetshi qatysty, onyń ishinde 650-den astamy sheteldik áskerıler.

Áskerı sherý aıaqtalǵannan keıin, Reseıdiń Engels qalasynan baǵyt alǵan eki MI-8 tikushaǵy, úsh L-39 ushaǵy, bir AN-24, bir AN-2, sonymen qatar eki TÝ-95 bombalaýshy ushaqtary bir qatarmen ushyp ótip, Dýshanbe qalasynyń aspanymen ótkennen keıin, ornalasqan áýejaılaryna qaıta qaıtty.

Sodan keıin alańda 20 myńnan astam mektep pen JOO oqýshylary, sondaı-aq 2 myńnan astam qalanyń túrli kásiporyndary men uıymdarynyń jumysshylary qatysqan merekelik qoıylym kórsetildi.

Qatysýshylar alańǵa jalpy salmaǵy 860 keli bolatyn uzyndyǵy - 2011 metr, eni - 7 metr Tájikstannyń memlekettik týyn alyp shyqty. Merekelik sharalar máresine jetkennen keıin bul Tý respýblıkanyń ulttyq murajaıyna beriledi, dep habarlaıdy CA-News.