Tájikstan sheteldikterdiń mıtıngterge qatysýyna tyıym saldy

ASTANA. QazAqparat - Tájikstan bıligi sheteldikter men azamattyǵy joq tulǵalardyń mıtıngterge, narazylyq aktsııalary men sherýlerge qatysýyna resmı túrde tyıym saldy, dep habarlady VVS.

Sársenbide Tájikstan parlamenti mıtıngter men sherýlerdi ótkizý erejesi týraly zańnamaǵa tıisti túzetýler men tolyqtyrýlardy engizýdi maquldady. Osyǵan sáıkes endi sheteldikter men azamattyǵy joq adamdarda aktsııalarǵa qatysý jáne ony ótkizý quqyǵy bolmaıdy.

Baıqaýshylardyń paıymynsha, narazylyq aktsııalaryna sheteldikterdiń qatysýyna tyıym salý sharalary Ýkraınadaǵy oqıǵalarǵa baılanysty bolýy múmkin.

Keıbir depýtattardyń pikirine qaraǵanda, Ýkraınadaǵy bıliktiń aýysýyna «syrtqy kúshter» áser etti.