Tájikstan shekarasynda qaza tapqan jaýyngerler esimi ulyqtaldy
ASTANA. 14 qyrkúıek. QazAqparat - Osydan 17 jyl buryn Tájikstan shekarasyn qarý-jaraq pen esirtki dálizine aınaldyrmaq bolǵan qarýly toptarǵa qarsy turyp, erlikpen qaza tapqan 17 jaýyngerimizdi eske alýǵa arnalǵan
Qazaqstan Respýblıkasynyń qoıan-qoltyq urys boıynsha kýbogi bıyl tuńǵysh ret respýblıka deńgeıinde ótkeli otyr. Bul ásker qataryndaǵy sarbazdarymyzdy otansúıgishtikke, salaýatty ómir saltyn saqtaýǵa tárbıeleıtin mańyzdy shara bolyp tabylady.
Búgin Astanada jalaýyn jelbiretken 1995 jyly tájik-aýǵan shekarasynda erlikpen qaza tapqan Qazaqstan Respýblıkasy ІІM Іshki áskerleriniń 17 jaýyngerin eske alýǵa arnalǵan Qazaqstan Respýblıkasynyń qoıan-qoltyq urys boıynsha kýboginiń ashylý saltanatynda Qazaqstan Respýblıkasy ІІM Іshki áskerler qolbasshysy, general-maıor Rýslan Jaqsylyqov osylaı dedi.
Onyń aıtýynsha, 2009 jyldyń sáýir aıynda Astana qalasyndaǵy Otan qorǵaýshylar alańynda 17 jaýyngerdiń atyna Estelik alleıasy ashyldy. Osy alańda jyl saıyn jas sarbazdardyń Otanǵa ant berý saltanatyn ótkizý dástúrge aınalǵan.
Sondaı-aq, bozdaqtardyń esimderi elimizdegi kósheler men saıabaqtarǵa berilip, áskerı bólimderde eskertkishter ashylǵan. Bul oqıǵa týraly estelik kitap jaryqqa shyǵyp, «Qazbat» atty derekti fılm de túsirilgen.
Jarysqa Prezıdent kúzet qyzmeti, ІІM Іshki áskeri, UQK jáne basqa da kúsh-qurylymdarynyń komandalary qatysady. Saıys 14-16 qyrkúıek aralyǵynda ótedi dep josparlanýda.
