Tájikstan resmı túrde DSU múshesi boldy
ASTANA. 2 naýryz. QazAqparat - Búgingi kúnnen bastap Tájikstan resmı túrde Dúnıejúzilik saýda uıymynyń múshesi boldy, dep habarlady RBK jergilikti BAQ-qa silteme jasap.
Bul týraly budan buryn respýblıkanyń syrtqy ister mınıstrligi habarlaǵan bolatyn Osy jylǵy 9 qańtarda el parlamenti Tájikstannyń DSU-ǵa qosylýy týraly hattamany ratıfıkatsııalady. Hattamaǵa 2012 jylǵy 10 jeltoqsanda Tájikstan prezıdenti Emomalı Rahmon men DSU bas dırektory Paskal Lamı qol qoıǵan bolatyn. 4 aqpanda respýblıka ókili Tájikstannyń DSU-ǵa qosylýy týraly hattamany ratıfıkatsııalaý týraly gramotany osy uıymnyń Jenevadaǵy hatshylyǵyna tapsyrdy.
Sonymen, Tájikstan Qyrǵyzstannan keıingi DSU-ǵa kirgen Ortalyq Azııadaǵy ekinshi respýblıka bolyp otyr.
