Tájikstan prezıdentiniń Ystyqkólge saparyna baılanysty jol qozǵalysyna ýaqytsha shekteý qoıylady

BІShKEK. QazAqparat – Ystyqkól oblysyna Tájikstan prezıdenti Emomalı Rahmonnyń kelýine baılanysty óńirde kólikterdiń qozǵalysyna ýaqytsha shekteý qoıylady, dep habarlaıdy QazAqparat Qyrǵyz Respýblıkasy ІІM JQQQBB baspasóz qyzmetine silteme jasap.

Onyń málimetine sáıkes, 26-28 shilde aralyǵynda Qyrǵyzstanǵa jumys saparymen Tájikstan prezıdenti Emomalı Rahmon keledi.

«Prezıdent kortejiniń esh kedergisiz júrip ótýi jáne jol qozǵalysynyń qaýipsizdigin qamtamasyz etý úshin Ystyqkól aýdanynda jol-patrýldik polıtsııa qyzmetiniń qosymsha jasaǵy qoıylady, sondaı-aq, kortej júrip ótetin ýaqytta Tamchy aýylynyń jolynan Bósteri aýylyna deıin kólik qozǵalysyna ýaqytsha shekteý qoıylady» , - delingen habarlamada.

Osyǵan baılanysty Qyrǵyz Respýblıkasy ІІM JQQBB júrgizýshilerden túsinistikpen qaraýlaryn jáne jol qozǵalysy erejelerin saqtaýlaryn suraıdy.