Tájikstan prezıdentiniń «uly» ustaldy

ASTANA. QazAqparat - Dýshanbe qalasynda ózin prezıdent Emomalı Rahmonnyń ulymyn dep júrgen mektep oqýshysyn ustady.

Ol tájik sheneýnikterinen para alyp, olarǵa tapsyrma da berip júrgen, dep habarlady eldiń sybaılas jemqorlyqqa qarsy kúres vedomstvosynan.

Habarlamaǵa sensek, Dýshanbe halyqaralyq mektebiniń 10-synyp oqýshysy Hýshdıl Kýrbonov ózin prezıdent Rahmonnyń uly - Somonı Emomalı dep tanystyryp, jerge qatysty kelisim jasaýǵa kómektesemin dep 50 myń dollardy qaltasyna basqan.

Sonymen qatar, aılaker oqýshy tájik sheneýnikteriniń birine telefon soǵyp, dereý osy máseleni sheshýdi talap etken, dep jazdy VVS.

Bılik qylmystyq is qozǵady.