Tájikstan prezıdentiniń týysyn óltirgen kúdikti ustaldy
ASTANA. 16 shilde. QazAqparat - Tájikstannyń quqyq qorǵaý organdarynyń qyzmetkerleri búgin respýblıka prezıdenti Emomalı Rahmonnyń týysy - Holmýmın Safarovty óltirgen kúdiktini qolǵa túsirdi,
dep habarlady Lenta. rý tájikstandyq ІІM-niń ókilderine silteme jasaı otyryp.
Tájikstan ІІM-niń ókilderi qanisherdiń esimin jáne ony qylmysqa ne ıtermelegenin habarlamaı otyr. Olar tek kúdiktini júrgizilgen jedel-izdestirý sharalarynyń barysynda qolǵa túsirgenderin málim etti.
57 jastaǵy Holmýmın Safarov Tájikstan prezıdentiniń úlken apasynyń kúıeýi. Ol «Orman sharýashylyǵy jáne ańshylyq» kásipornyn basqarǵan. Safarov 14 maýsymǵa qaraǵan túni Dýshanbede qalalyq temirjoldan alys emes jerde óltirilgen. Prezıdenttiń týysyna birneshe oq atylǵan, sodan keıin shabýyl jasaǵandar izderin sýytqan. Safarov alǵan jaraqatyna baılanysty oqıǵa ornynda kóz jumdy.
