Tájikstan prezıdentiniń qyzy teginen oryssha «-ovty» alyp tastady
ASTANA. QazAqparat - Tájikstan prezıdentiniń qyzy Ozoda Rahmonova ákesinen úlgi alyp, oryssha «-ov» jurnaǵyn alyp tastap, óz tegin ózgertti.
Prezıdenttiń qyzy (mınıstrdiń orynbasary laýazymynda) jumys isteıtin syrtqy ister mınıstrliginiń saıtynda onyń tegi endi Rahmon Ozoda Emomalı dep jazylady.
Tájikstanda tegin óz ultynsha jazýǵa budan buryn respýblıka prezıdenti Emamolı Rahmon bastamashylyq etken. 2007 jyldan bastap onyń tegi oryssha «-ov» jalǵaýynsyz jazylyp keledi. Memleket basshynyń izimen úkimet músheleri men parlament depýtattarynyń kópshiligi óz tekterin ózgertti, dep habarlaıdy Rosbalt.
