Tájikstan Prezıdenti Qasym-Jomart Toqaevty dıplomatııalyq qatynastyń 30 jyldyǵymen quttyqtady
Memleket basshysy Qasym-Jomart Toqaevtyń atyna Qazaqstan men Tájikstan arasynda dıplomatııalyq qatynastardyń ornaǵanyna 30 jyl tolýyna oraı Tájikstan Prezıdenti Emomalı Rahmonnyń quttyqtaý jedelhaty kelip tústi.
«Tájik tarapy eki eldiń dostyq qatynastaryn nyǵaıtý úshin osy ýaqyt aralyǵynda qol jetkizgen nátıjelerin joǵary baǵalaıdy. Bul rette memleketaralyq qatynastardy retteýdiń senimdi sharttyq-quqyqtyq bazasy men naqty mehanızmderi qalyptasty. Osy berik negizge jáne ózara senim men qurmettiń, strategııalyq seriktestiktiń myzǵymas qaǵıdattaryna negizdelgen yntymaqtastyǵymyz búginde barlyq baǵyt boıynsha qarqyndy damyp kele jatqany qýantady. Biz halyqtarymyzdyń túbegeıli múddelerine saı keletin ózara tıimdi yntymaqtastyqty birlese otyryp, budan da joǵary deńgeıge kóterýge umtylatynymyzǵa senimdimin», – dep jazylǵan jedelhatta.
Emomalı Rahmon Qasym-Jomart Toqaevqa asa jaýapty memlekettik qyzmette zor tabys, al dostas Qazaqstan halqyna beıbitshilik jáne baq-bereke tiledi.