Tájikstan prezıdenti Emomolı Rahmon Ult kóshbasshysy mártebesine ıe boldy
ASTANA. QazAqparat - Tájikstan parlamentiniń tómengi palatasynyń depýtattary Emomolı Rahmonovqa táýelsiz Tájikstannyń negizin qalaýshy mártebesin berýge biraýyzdan daýys berdi. Halyq qalaýlylary ótken jyldyń jeltoqsanynda qabyldanǵan «Ult kóshbasshysy - memleket pen ulttyq birliktiń negizin qalaýshy týraly» zańyna konstıtýtsııalyq mártebe berilýin biraýyzdan qoldady. Bul týraly QazAqparat Azııa plıýs portalyna silteme jasap habarlaıdy.
Depýtatar sonymen qatar, atalǵan zańǵa birneshe túzetý engizdi. Olardyń biri Tájikstannyń negizin qalaýshy tulǵa retinde Emomolı Rahmonovty moıyndaıdy.
Sondaı-aq osy túzetýler boıynsha, elde Ult kóshbasshysynyń arnaıy qory qurylyp, Ult kóshbasshysynyń Ordeni men Syıaqysy taǵaıyndalady.
Túzetýlerdiń talaptary respýblıkalyq deńgeıdegi barlyq saltanatty sharalarda, úkimet pen parlament otyrystarynda Ult kóshbasshysy úshin zamanǵa saı arnaıy baılanys quraldarymen jabdyqtalǵan oryn daıyndalatyn bolady.
