Tájikstan Prezıdenti Emomalı Rahmonnyń elimizdegi jumys sapary aıaqtaldy

ASTANA. QazAqparat - Memleket basshysy Qasym-Jomart Toqaev elimizdegi jumys sapary aıaqtalǵan Tájikstan Respýblıkasynyń Prezıdenti Emomalı Rahmondy áýejaıdan shyǵaryp salyp, jyly qoshtasty, dep habarlaıdy QazAqparat Aqordaǵa silteme jasap.

Aıta keteıik, Tájikstan Prezıdenti Emomalı Rahmon jumys saparymen Qazaqstanǵa keldi.

Osy sapar aıasynda Prezıdentter shaǵyn quramda kelissózder júrgizdi.

Sondaı-aq, Memleketter basshylary Tájikstannyń halyq shyǵarmashylyǵy kórmesin aralap kórdi.

Prezıdentter Qazaqstandaǵy Tájikstannyń mádenıet kúnderin ashty jáne Astana qalasynyń Bas meshitine bardy.

Sonymen qatar, Qasym-Jomart Toqaev pen Emomalı Rahmon Tsıfrlyq úkimet keńsesinde boldy.