Tájikstan Prezıdenti Arys qalasynda bolǵan qaıǵyly oqıǵaǵa baılanysty kóńil aıtty

NUR-SULTAN. QazAqparat - Memleket basshysy Qasym-Jomart Toqaevtyń atyna Arys qalasynda bolǵan qaıǵyly oqıǵaǵa baılanysty Tájikstan Respýblıkasynyń Prezıdenti Emomalı Rahmonnyń kóńil aıtý jedelhaty kelip tústi, dep habarlaıdy QazAqparat Aqordanyń baspasóz qyzmetine silteme jasap .

«Edáýir shyǵynǵa jáne kisi ólimine ákelgen Arys qalasynda bolǵan jarylys týraly aqparatty kúızelispen qabyldadym. Ózimniń jáne tájik halqynyń atynan Sizge jáne qaza bolǵandardyń jaqyndary men týystaryna kóńil aıtamyn. Zardap shekkenderdiń tezirek saýyǵyp, otbasylaryna aman-esen oralýyna tilektestik bildiremin»,- delingen jedelhatta.

Tájikstan Prezıdenti Qazaqstan Úkimetiniń shuǵyl qabyldaǵan sharalaryna toqtalyp, qazaqstandyq jasaqtardyń evakýatsııa jáne qaıǵyly oqıǵanyń saldaryn joıý kezindegi jankeshti jumystaryn erekshe atap ótti.