Tájikstan premeri birinshi orynbasary ulynyń kinásinen 2 adam qaza tapty

ASTANA. QazAqparat - Tájikstan premer-mınıstriniń birinshi orynbasary Davlatalı Saıdovtyń uly - 23 jastaǵy Fırýz Saıdov jasaǵan jol-kólik apatynan eki adam qaza tapty, dep habarlady TájikTA.

«10 qyrkúıek kúni Fırýz Saıdov óziniń Toyota Camry markaly avtokóligimen qalalyq kommýnaldyq qyzmet avtokóligimen soqtyǵysty, saldarynan eki adam kóz jumdy», - delingen habarlamada.

Atap aıtqanda, jol-kólik apatynan 25 jastaǵy qala turǵyny men 30 jastaǵy qalalyq kommýnaldyq qyzmet qyzmetkeri qaza tapty.

Apatqa kináli bolǵan sheneýniktiń uly túrli jaraqatpen aýrýhanaǵa jatqyzyldy.