Tájikstan parlamenti túrmedegi 12 myń adamǵa raqymshylyq jasaýdy qoldady
ASTANA. QazAqparat - Tájikstan 9 qyrkúıekte táýelsizdiginiń 25-jyldyǵyn atap ótpek, osyǵan oraı raqymshylyq jasalynbaq, dep habarlady VVS agenttigi.
Tájikstannyń tómengi parlamenti el prezıdenti Emomalı Rahmon usynǵan raqymshylyq týraly zań jobasyn qabyldady.
Raqymshylyqqa kúdikti, aıypty, sottalýshy, jazasyn óteýshi retinde qylmystyq is boıynsha ótken 12 myń adam iligedi.
Raqymshylyq aıasynda úsh myńnan astam adam túzeý mekemesinen bosatylady. Sondaı-aq, zańǵa sáıkes, barlyq shyǵyn somasyn ótegen jaǵdaıda, alaıaqtyq jasaǵandar, basqa da qarjy qylmysyna qatysy barlarǵa raqymshylyq jasalady.
-Otanyn satý, tyńshylyq, terrorızm, qatigezdikpen kisi óltirý sııaqty asa aýyr qylmys jasaǵandar raqymshylyqqa ilikpeıdi, - dep málimdedi Tájikstannyń bas prokýrory ıÝsýf Rahmon.
Onyń aıtýynsha, ómir boıyna túrmege qamalǵandarǵa da jeńildik kórsetilmeıdi.
Bul zań jobasy el táýelsizdiginiń 25-jyldyǵyna arnaldy. Táýelsizdik jyldary Tájikstanda raqymshylyq 14 ret jarııalandy.
