Tájikstan mıgranttaryn Arab elderine jibermekshi

ASTANA. QazAqparat - Tájikstan óziniń jumys kúshin keıbir arab elderiniń eńbek naryǵyna jiberýdiń múmkindikterin qarastyrýda, dep habarlaıdy news.tj .

«Jumys kúshin jiberý maqsatynda Kýveıt, Qatar, BAÁ elderiniń eńbek naryqtarynyń múmkindikteri zerttelip, taldandy jáne atalmysh eldermen osy baǵytta qajetti kelisim jobalary ázirlendi», - dep habarlady Tájikstannyń Eńbek, kóshi-qon jáne jumyspen qamtý mınıstri Sýmangúl Tagoızoda Dýshanbede ótken baspasóz máslıhatynda.

Sondaı-aq, onyń aıtýynsha, Ońtústik Koreıanyń eńbek naryǵy zerttelip, osy elmen yntymaqtastyq týraly qujattyń jobasy jasalǵan.

Ol jalpy tájik mıgranttarynyń 97,6%-y (237 myń) bıyl Reseıge ketkenin, al 2,3%-y (5,7 myń) Qazaqstanǵa jol tartqanyn atap ótti.