Tájikstan men Qyrǵyzstanda qar kóshkini júrdi, qaza bolǵandar bar

DÝShANBE. BІShKEK - QazAqparat – Tájikstan men Qyrǵyzstanda qar kóshkinderi júrdi, dep habarlady QazAqparat tájikstandyq Hovar jáne qyrǵystandyq Kabar aqparat agenttikterine silteme jasap.

19 aqpanda Tájikstannyń taýly aımaqtarynda birneshe qar kóshkini júrip, kólik qozǵalysy jabyldy. 15-19 aqpan kúnderi Tájikstanda 200 qar kóshkini, 7 saz kóshkini jáne 6 tasqulama júrdi. Qar kóshkini saldarynan 19 tájikstandyq qaza tapty.

Buǵan deıin habarlaǵanymyzdaı 16 aqpanda Tájikstanda turǵyn úılerdi qar kóshkini basyp, 15 adam qaza tapty.

Al Qyrǵyzstannyń Jalal-Abad oblysyndaǵy Togýz-Toroý aýdanynda qar kóshkini astynda qalǵan 45 jastaǵy er adamnyń denesi tabyldy.

Agenttiktiń málimetinshe Qyrǵyzstandaǵy Ataı aýylynyń 1978 jylǵy turǵyny jylqy baǵý úshin Ala-Jyga ýchaskesindegi taýǵa shyqqan. Qar kóshkini túsip, turǵyn onyń astynda qalyp qoıǵan.

Foto: khovar.tj