Tájikstan men Qyrǵyzstan kókpardan álem chempıonatynda qarsylas shaq keltirer emes
ASTANA. QazAqparat - Astanada kókpardan tuńǵysh álem chempıonatynyń úshinshi kúni bolyp ótti, dep habarlaıdy «QazAqparat» HAA tilshisi.
Salym salýdyń saqalary atanǵan Qyrǵyzstan men Tájikstannyń kókparshylary ázirge bet qaratatyn emes. Eki qurama da jarystyń úshinshi kúninde qarsylastaryn iri eseppen jeńdi. Atap aıtqanda, tájikter Túrkııa quramasyn 12:2 esebimen tize búktirse, qyrǵyzdar kórshiles Ózbekstan quramasynan 11:2 esebimen basym tústi. Qarqyndaryna qaraǵanda aty atalǵan dál osy eki komanda Qazaqstan kókparshylarynyń basty qarsylasy bolatyn sekildi. Al týrnır bastalǵaly eki márte jeńiliske ushyraǵan Ózbekstan aldyńǵy oryndardan úmittene almasy anyq.
Kúni keshe qyrǵyzdardan jeńilgen Mońǵolııa quramasy búgin 10:4 esebimen AQSh kókparshylarynan esesin aldy. Reseı bolsa Qytaıdan 0:5 esebimen súrinse, Aýǵanstan Vengrııa quramasyn 12:2 esebimen artta qaldyrdy.
Búgingi kúnniń qorytyndy oıynyn Qazaqstan - Ázerbaıjan quramalary aıaqtaýy kerek bolatyn. Alaıda ázirbaıjandyq kókparshylardyń kelmeý qalýy sebepti jeńis 3:0 esebimen avtomatty túrde Qazaqstan quramasyna berildi.
