Tájikstan men Aýǵanstannyń shekarasy tyrysqaq indetine baılanysty jabyldy
ASTANA. 20 tamyz. QazAqparat - Shektes jatqan aýmaqta tyrysqaqtyń oshaǵy paıda bolýyna baılanysty Tájikstan Aýǵanstanmen aradaǵy shekarany ýaqytsha japty.
Bul týraly VVS habarlady.
Juqpaly indet Badahshan provıntsııasynyń eki eldi mekeninde bastalǵan kórinedi.
Aýǵanystan densaýlyq saqtaý mınıstrliginiń málimetinshe, tyrysqaqty 2 myńǵa jýyq adam juqtyrǵan.
Tájikstan densaýlyq saqtaý vedomstvosynyń sheshimi boıynsha Ishkashım, Horog jáne Darvazdaǵy qadaǵalaý-ótkizý beketiniń qyzmetteri ýaqytsha toqtatyldy. Óńirge shuǵyl túrde tájikstandyq dárigerler baryp, halyq arasynda túsindirý jumystary júrgizilýde.
