Tájikstan Qazaqstannan ákelinetin eski kólikterdi kirgizýge tyıym salady

ASTANA. QazAqparat – Tájikstan Dúnıejúzilik saýda uıymyna múshe elderden, onyń ishinde Qazaqstannan eski avtokólikterdi ákelýge tyıym salyp jatyr, dep habarlaıdy QazAqparat tilshisi.

QazStandart baspasóz qyzmetiniń málimetine qaraǵanda, atalǵan shekteý 2013 jylǵa deıin shyǵarylǵan kólikterge qatysty qoldanylady.

«Tájikstan jyl saıyn aýanyń lastanýyna jáne adam densaýlyǵy men qorshaǵan ortaǵa zııan keltiretin eski kólikterdi ákelýge, sondaı-aq eski kólikterden bolatyn qaldyqtardyń (akkýmýlıatorlar, shınalar, kondıtsıonerler) aıtarlyqtaı ósýine jol bermeýge baǵyttalǵan jarlyq ázirledi», - delingen QazStandart habarlamasynda.

Atalǵan jarlyq 2024 jyldyń 1 qańtarynda kúshine enedi.

Aıta keteıik, 2005 jyldan bastap KazStandart bazasynda saýdadaǵy tehnıkalyq kedergiler jáne sanıtarııalyq ári fıtosanıtarııalyq is-sharalar jónindegi aqparattyq ortalyq jumys istep tur.

Ortalyqtyń fýnktsııalaryna DSU hatshylyǵyna, DSU-ǵa múshe memleketterge tıisti aqparat berý kiredi.