Tájikstan Qazaqstan bıdaıyn satyp alýdy 15% arttyrdy

ASTANA. QazAqparat - Tájikstan unyn óndirý úshin tolyǵymen qazaqstandyq bıdaı qoldanylady, dep habarlaıdy QazAqparat «Kazah-Zerno» AA-ǵa silteme jasap.

Tájikstan Respýblıkasy Ónerkásip jáne jańa tehnologııalar mınıstrliginiń deregi boıynsha, osy jyldyń birinshi jarty jyldyǵynda Tájikstandaǵy otandyq óndiristegi unnyń úlesi 95,8%-ǵa jetken.

Tájikstan Respýblıkasy Úkimeti janyndaǵy Antımonopolııalyq qyzmettiń deregine sáıkes, osy jyldyń birinshi jartysynda Qazaqstannan bıdaı ımporty tonnasy 169 dollar turatyn 500 myń tonnadan astam kólemde júzege asyryldy. Ótken jyldyń osy kezeńimen salystyrǵanda bıdaı jetkizilimi shamamen 15% -ǵa nemese 65 myń tonnaǵa artty.