Tájikstan halqy E. Rahmonnyń eldi ómir boıy basqarýyna daýys berdi
ASTANA. QazAqparat - Tájikstan turǵyndarynyń kópshiligi jeksenbide ótken referendým barysynda el konstıtýtsııasyna engizilgen túzetýlerdi qoldady, dep habarlady respýblıkanyń ortalyq saılaý komıssııasynan.
«Túzetýge 134 myń 171 adam nemese 3,3 paıyz ornyna 3 mln 814 adam nemese 94,5 paıyz daýys berdi», - dep habarlady Tájikstan OSK basshysy Bahtıer Hýdoerzoda.
Onyń derekterine sáıkes, referendýmǵa daýys berýshiler tizimine engizilgen azamattardyń 92 paıyzy nemese 4 mln 38 myń adam qatysty, dep habarlaıdy Bı-bı-sı.
Basty zańǵa túzetý qazirgi prezıdent Emomalı Rahmonǵa shekteýsiz jańa merzimge qaıta saılanýyna ruqsat etedi, sondaı-aq prezıdenttikke úmitkerlerdiń jasy 35-ten 30-ǵa tómendetiledi. Bul Rahmonnyń úlken uly - Rýstam Emomalıge eger ákesi 2020 jyly óz isin jalǵastyrýdan bas tartqan jaǵdaıda prezıdenttikke kandıdatýrasyn usynýyna múmkindik beredi.
