Tájikstan BUU-da sý tapshylyǵyn kóterdi
ASTANA. QazAqparat - Tájikstan syrtqy ister mınıstri Sırodjıddın Aslov Brikken Ulttar uıymynyń eldegi sý tapshylyǵy jaıly máseleni kóterdi.
Onyń aıtýynsha, sońǵy 35-40 jylda 13 myń muzdyqtyń myńnan astamy tolyǵymen erip ketti. Bul tabıǵı apattardyń jıileýine, adamdardyń zardap shegýine, iri qarjylyq shyǵyndarǵa ákep soqty jáne ekojúıelerge zaqym keltirdi, dep jazdy rosbalt.ru.
SІM basshysy aýyz sý kózderine qoljetimdiliktiń bolmaýy jáne qarapaıym gıgıenalyq jáne sanıarlyq talaptardyń saqtalmaýy, sý tapshylyǵy jáne onyń energııamen qamtamasyz etý men azyq-túliktik turaqtylyqqa jaǵymsyz saldary sekildi máselelerdi eske saldy. Klımattyń ózgerýi, ýrbanızatsııa jáne halyq sanynyń ósýi bul máselelerdi tereńdete túsedi, dep esepteıdi mınıstr.
«Sý máselelerin sheshý úshin saıası kúsh-jiger jáne yntymaqtastyq pen úılestirýdi nyǵaıtý qajet», - dedi S. Aslov.
