Tájikstan basshysy Qasym-Jomart Toqaevty jańa laýazymǵa kirisýimen quttyqtady

ASTANA. QazAqparat - Memleket basshysy Tájikstan Respýblıkasynyń Prezıdenti Emomalı Rahmonmen telefon arqyly sóılesti, dep habarlady búgin Aqordanyń baspasóz qyzmeti.

Áńgimelesý barysynda Tájikstan Prezıdenti Emomalı Rahmon Qasym-Jomart Toqaevty Qazaqstan Respýblıkasynyń Prezıdenti laýazymyna kirisýimen quttyqtap, joǵary memlekettik qyzmetine tabys tiledi.

Qasym-Jomart Toqaev quttyqtaǵany úshin Emomalı Rahmonǵa rızashylyq aıtyp, Qazaqstan men Tájikstannyń ózara yqpaldastyǵy odan ári qarqyndy damı túsetine senim bildirdi.

Sondaı-aq, eki el kóshbasshylary bir-birin Naýryz meıramymen quttyqtady.

Telefon arqyly sóılesýge Tájikstan jaǵy bastamashy boldy.