Tájikstan Bas prokýrory Qazaqstannyń vedomstvolyq medalimen marapattaldy
Elshilik baspasóz qyzmetiniń habarlaýynsha, Nurlan Seıtimov Tájikstan bas prokýrorymen kezdesý barysynda Qazaqstan damýynyń qazirgi kezdegi negizgi baǵyttary jaıynda keńinen sóz qozǵady. Sonymen qatar ol Qazaqstandaǵy bılik tarmaqtary arasyndaǵy ókilettikterdi qaıta bólý máseleleri jónindegi QR Prezıdenti Nursultan Nazarbaevtyń halyqqa úndeýi men «Qazaqstannyń úshinshi jańǵyrýy: jahandyq básekege qabilettilik» atty Joldaýynyń negizgi baǵyttaryn tanystyrdy.
Taraptar sondaı-aq eki eldiń quqyq qorǵaý organdary arasyndaǵy ózara árekettestiktiń keleshegin, onyń ishinde quqyqtyq yntymaqtastyqtyń keıbir máselelerin talqylady.
Óz kezeginde Rahmon ıÝsýf Ahmadzod marapat úshin alǵysyn bildirip, qazaqstandyq áriptesterimen jemisti yntymaqtastyqqa daıyn ekendigin bildirdi.