Tájikstan azamaty poıyzben iri kólemdegi geroındy alyp ótpek bolǵan
ALMATY. Mamyrdyń 24-i. QazAqparat /Ádilet Musahaev/ «Bishkek-Máskeý» baǵytyndaǵy poıyzda eki keli 850 gramdyq geroındy alyp ótpek bolǵan Tájikstan azamaty ustaldy,
dep habarlaıdy QazAqparat QR UQK baspasóz qyzmetine silteme jasap.
Іri kólemdegi esirtki ótken aptada Jambyl oblysyndaǵy «Merke» shekaralyq tekseris beketinde tárkilengen. Tekseris barysynda jolaýshynyń biriniń sómkesi kúdik týdyrǵan. Onyń sómkesi eki qabattalynyp, ortasyna geroın jasyrylǵandyǵy anyqtalǵan.
Qazirgi ýaqytta bul oqıǵa boıynsha tergeý jumystary júrgizilýde.
