Tájikstan azamaty Astanada terrorızmdi nasıhattaǵany úshin sottaldy

ASTANA. QazAqparat - Astana qalasy Saryarqa aýdandyq sotynyń Tájikstan Respýblıkasynyń 26 ​​jastaǵy azamatyna qatysty aıyptaý úkimi zańdy kúshine endi, dep habarlaıdy QazAqparat Qazaqstan Respýblıkasy Terrorızmge qarsy kúres ortalyǵynyń baspasóz qyzmetine silteme jasap.

Belgili bolǵandaı, halyqaralyq lańkestik uıymdardyń ıdeologııasyn nasıhattaǵany úshin sottalǵan «M» óz betinshe astanalyq dindarlardy «qarýly jıhadqa» qatysýǵa úndegen.

Sonymen qatar, ol óz áreketiniń zańsyzdyǵyn túsinip, lańkesterge qarajat jibergen.

Elordalyq sottyń úkimimen shetel azamaty Qazaqstan Respýblıkasy Qylmystyq kodeksiniń 256 jáne 258-baptary «Terrorızmdi nasıhattaý», «Terrorızm qyzmetin qarjylandyrý» boıynsha kináli dep tanylyp, 5 jyl 6 aıǵa bas bostandyǵynan aıyryldy.