Tájikstan azamattarynyń 9 kóligin syrttaı satyp jibergen turǵyn sottaldy
SARYAǴASh. QazAqparat - Túrkistan oblysy, Saryaǵash aýdanynda Tájikstan azamattarynyń 9 kóligin syrttaı satyp jibergen turǵyn sottaldy. Sot sheteldikterge 11 mıllıon teńgege jýyq shyǵyn keltirgen kúdiktini bas bostandyǵynan aıyrdy, dep habarlaıdy QazAqparat tilshisi.
Sot 31 jastaǵy aıyptalýshyny 4 jyl 6 aıǵa túrmede jazasyn óteý týraly úkim shyǵardy. Aıta keteıik, kináli azamat karantın kúsheıtilgen merzimde Qaplanbek shekara beketi mańyndaǵy úılerdiń aýlasyna qoıyp ketken 9 kólikti syrttaı satyp jibergen. Atalǵan jaıt boıynsha QR QK-niń 189-babymen (Senip tapsyrylǵan bóten múlikti ıemdenip alý nemese talan-tarajǵa salý) is qozǵalyp, kúdikti Qazyǵurt aýdanyndaǵy týysynyń úıinen ustalǵan bolatyn. Keıinnen belgili bolǵandaı, ol Qaplanbek shekara aýmaǵyndaǵy óz úıiniń aýlasyna sheteldikterdiń kóligin ýaqytsha qoıýlaryna ruqsat berip, kelisken. Alaıda kólikterdi satyp, aqshasyn bas paıdasyna jaratyp jibergen. ıAǵnı alty kólikti Shymkent qalasynyń turǵynyna satsa, úsh avtokólikti Saryaǵash aýdanynyń turǵynyna bólshektep ótkizgen. Sonymen qatar polıtseıler tergeý barysynda kúdiktiniń buryn alaıaqtyq boıynsha sotty bolǵanyn anyqtady. Toǵyz avtokólik te tárkilenip, sheteldik azamattarǵa qaıtaryldy.
